दाक्सु मिडिया
सोलुखुम्बु । फागुन २१ गते हुने प्रतिनिधिसभा सदस्य निर्वाचनका लागि सोलुखुम्बु जिल्लामा १२ जना उम्मेदवारले मनोनयन दर्ता गराएका छन्। एक मात्रै प्रतिनिधिसभा निर्वाचन क्षेत्र रहेको यस जिल्लामा १२ फरक–फरक राजनीतिक दलबाट उम्मेदवारी परेको जिल्ला निर्वाचन कार्यालय सोलुखुम्बुले जनाएको छ।
मनोनयन दर्ता गराउने उम्मेदवारहरूमा नेकपा एमालेबाट जिल्ला सचिव कल्पना राई, नेपाली कांग्रेसबाट महाधिवेशन प्रतिनिधि प्रकाशसिंह कार्की र नेपाली कम्युनिस्ट पार्टीबाट पूर्व गाउँपालिका अध्यक्ष असिम राई रहेका छन्। यसैगरी श्रम संस्कृति पार्टीबाट अध्यक्ष वियस राई, राष्ट्रिय स्वतन्त्र पार्टी (रास्वपा)बाट ऋषिधन राई तथा नेपाल मजदुर किसान पार्टीबाट कमल बहादुर मगरले उम्मेदवारी दिएका छन्।
त्यसैगरी जनता समाजवादी पार्टी (जसपा)बाट लाक्पा शेर्पा, राष्ट्रिय प्रजातन्त्र पार्टी (राप्रपा)बाट राजेन्द्र बस्नेत, मंगोल नेसनल अर्गनाइजेसनबाट मंगल गुरुङ र मितेरी पार्टी नेपालबाट श्रीध्वज तामाङले मनोनयन दर्ता गराएका छन्। उज्यालो नेपाल पार्टीबाट पेम्बा छिरी शेर्पा र आम जनता पार्टीबाट गुणराज भट्टराई पनि चुनावी प्रतिस्पर्धामा उत्रिएका छन्।
थप समाचारहरु
सोलुखुम्बुबाट नेकपाका असिम राई प्रतिनिधिसभा उम्मेदवार
सोलुखुम्बुमा गठबन्धन उम्मेदवार : संघमा बल बहादुर, प्रदेशमा गोम्बु र शिव
उम्मेदवारी दर्ताको क्रममा सोलुमा असिम राईको क्रेज , २ हजार बढी शुभचिन्तकहरु सहभागी
माप्य दुधकोशीमा अध्यक्षका लागि चार जनाको उम्मेदवारी, गठबन्धनबाट कांग्रेस अध्यक्ष र उपाध्यक्षमा माके, एमालेले दोहोर्यायो दुबै उम्मेदवार
प्रतिनिधिसभा निर्वाचनका उम्मेदवार तय गर्न एमाले सचिवालय बैठक आज
यी नेताले दिए स्वतन्त्र उम्मेदवारी
तपाईको प्रतिक्रिया दिनुहोस्