दाक्सु मिडिया
काठमाण्डौँ । सुदूरपश्चिम प्रदेशका मुख्यमन्त्री कमल शाह अहिले सङ्घीय राजधानी काठमाडौँमा दौडधुपमा छन् । बिहीबार साँझ नेकपा एमालेका अध्यक्ष केपी शर्मा ओलीसँग भेटघाट गरेका शाहले शुक्रबार नेपाली कांग्रेसका सभापति गगन थापासँग भेटघाट गरे ।
मुख्यमन्त्री शाहले प्रदेशको राजधानीको विषय टुङ्ग्याउन आफू काठमाडौँमा शीर्ष नेताहरूलाई भेटिरहेको जानकारी दिए । सुदूरपश्चिम प्रदेशसभाले कैलालीको गोदावरीमा राजधानी बनाउने निर्णय गरेको थियो । तर, रुख कटानलगायतको समस्याले त्यहाँ राजधानी सार्न नसकिएको मुख्यमन्त्री शाहले जानकारी दिए ।
पछि नेपाली कांग्रेस, नेकपा एमाले र तत्कालीन नेकपा माओवादीबिच कैलालीको धनगढीमा बनाउने सहमति भए पनि पेस हुने बेलामा रोकिएकोले अहिले टुङ्ग्याउनका लागि नेताहरूसँग भेटघाट गरिरहेको मुख्यमन्त्री शाहको भनाइ थियो । सरकारका विषयमा कांग्रेस एमाले र नेपाली कम्युनिस्ट पार्टीबिच मिलेर जाने प्रयास भइरहेको नेताहरूले बताएको शाहले जानकारी दिए ।
थप समाचारहरु
मुख्यमन्त्री शाहलाई विश्वासको मत दिने नागरिक उन्मुक्तिको निर्णय
मुख्यमन्त्री शाहद्वारा मुक्तकमलरी कार्यविधि सुधार्ने प्रतिबद्धता
मधेशका नवनियुक्त मुख्यमन्त्री यादवको शपथ ग्रहण आज
मधेशका मुख्यमन्त्री यादवले शपथ ग्रहण गरे
राष्ट्रपतिले बोलाए तीन दलका शीर्ष नेतृत्वलाई छलफलमा
मुख्यमन्त्री पोखरेललाई एमालेको ध्यानाकर्षण
तपाईको प्रतिक्रिया दिनुहोस्