नवप्रविधिसँगै एभरेष्ट बैंकको छलाङ: स्थायित्व र सेवामा नमूना

काठमाडौं । स्थायित्व, विश्वास र उत्कृष्ट सेवा प्रदान गर्दै आएको एभरेष्ट बैंक लिमिटेड नेपालको अग्रणी र विश्वसनीय बैंकमध्ये एकको रूपमा स्थापित भएको छ। नवीनतम प्रविधि, ग्राहकमैत्री सेवा र जिम्मेवार वित्तीय संस्कृतिले पछिल्ला वर्षहरूमा बैंकले उल्लेखनीय प्रगति गरेको छ।

आर्थिक वर्ष २०८१/८२ का लागि बैंकले कुल २० प्रतिशत लाभांश वितरण गर्ने प्रस्ताव अघि सारेको छ, जसमा १४ प्रतिशत नगद लाभांश र ६ प्रतिशत बोनस सेयर समावेश छन्। यस प्रस्तावले बैंकको वित्तीय स्थायित्व तथा लगानीकर्ताप्रतिको प्रतिबद्धता झल्काउँछ।

हाल एभरेष्ट बैंकले देशभर १२० भन्दा बढी शाखा, सीमित एटीएम सेवा, मोबाइल बैंकिङ र इन्टरनेट बैंकिङ सुविधामार्फत लाखौं ग्राहकलाई सेवा दिँदै आएको छ। डिजिटल सेवा विस्तारमा विशेष ध्यान दिँदै, प्रतिस्पर्धी वित्तीय बजारमा आफ्नै छुट्टै पहिचान बनाएको छ।

• 

• 

• 

बैंकले आगामी ३१औं वार्षिक साधारणसभा कात्तिक १२ गते काठमाडौंको आम्रपाली बैंक्वेट, भाटभटेनीमा आयोजना गर्ने तयारी गरेको छ। उक्त सभाले लाभांश प्रस्ताव अनुमोदन गरेपछि सेयरधनीहरूले सो लाभांश प्राप्त गर्नेछन्।

एभरेष्ट बैंकका अधिकारीहरूका अनुसार, “हाम्रो मुख्य बल स्थायित्व, पारदर्शिता र उत्तरदायित्वमा आधारित छ। हामी ग्राहक, लगानीकर्ता तथा राष्ट्रकै आर्थिक प्रगतिको लागि दृढतापूर्वक अघि बढिरहेका छौं।”

तीन दशकभन्दा बढी समयदेखि एभरेष्ट बैंकले नेपालको वित्तीय प्रणालीलाई सशक्त, सुरक्षित र दीगो बनाउने दिशामा नेतृत्वदायी भूमिका निर्वाह गर्दै आएको छ।