एजेन्सी । मेक्सिकोको सर्वोच्च अदालतले गर्भपतन गरेकालाई अपराधीलाई जस्तै दण्ड दिनु गैरकानुनी हुने फैसला गरेको छ । अदालतको आदेशसँगै मेक्सिकोमा गर्भपतनले कानुनी मान्यता पाउने भएको छ । फैसलाअनुसार अब गर्भपतन गर्ने महिलाबिरुद्ध मुद्दा दायर गर्न पाइने छैन् ।
सर्वोच्च अदालतका न्यायधीश म्यारिअ अग्यिुलरले अदालतको फैसला महिलाको अधिकारका लागि एतिहासिक कदम भएको टिप्पणी गरेका छन् । मंगलबार अदालतले उत्तरी राज्य खोविलालाई गर्भपतनलाई अपराध नमान्न आदेश दिएको थियो ।
अदालतको पछिल्लो फैसलाले नयाँ नजिर स्थापना हुने विश्वास गरिएको छ । फैसलासँगै गर्भपतनका कारण जेल कोचिएका महिलाहरु अब तत्काल रिहा हुनेछन् । मेक्सिकोमा गर्भपतनलाई अबैद्य मानिदै आएको छ । त्यसमा पनि चार राज्यमा त यसलाई अपराध नै मानिन्छ । बलत्कार वा असुरक्षित गर्भका कारण आमाको जीवन खतरामा रहेको अवस्था बाहेक केही राज्यहरूमा भने गर्भपतनमा छुट छ ।
मेक्सिकोमा गर्भपतनको वकाल गर्दै आएको इनफरमेसन ग्रुप अन रिप्रोडक्टिभ चोइस (जीआइआरइ) ले अदालतको फैसलाको स्वागत गरेको छ ।
फेसबुकबाट तपाईको प्रतिक्रिया