×

बेलायतमा कोरोना संक्रमण बढ्नसक्ने चिन्ता

भदौ १८, २०७८ | दाक्सु मिडिया सम्वाददाता

लण्डन । बेलायतका शिक्षामन्त्रीले बालबालिका विद्यालय जान लागेकाले यहाँको कोरोना सङ्क्रमणको दर अझ बढ्नसक्ने बताएका छन् ।

शिक्षामन्त्री ग्याबिन विलियिमसनले अहिले लन्डनमा केही मात्रामा भए पनि कोरोना भाइरसको सङ्क्रमणको अवस्था घटेको भए पनि आगामी हप्ता यहाँका विद्यालय खुल्ने भएका कारण कोभिडको चिन्ता बढेको बताए ।

ती विद्यालय खुलेपछि सयौँ हजार बालबालिका विद्यालय जाने भएका छन् । यसबाट देशमा कोरोना भाइरसको सङ्क्रमणको दर बढ्नसक्ने देखिएको मन्त्री विलियम्सले बताए ।

उनले विद्यालय खुला भएपछि ती सबै विद्यालयका शिक्षक, बालबालिका तथा अरु कर्मचारीलाई पनि स्वास्थ्य जाँच गर्न आग्रह गरेका छन् ।

उनले भने, “यसैकारणले हामीले बढी भन्दा बढी बालबालिका तथा नागरिकलाई कोरोना भाइरसको परीक्षण गराउन आग्रह गरिएको पहिलेका तुलनामा परीक्षणको कामलाई तीव्र बनाइएको छ ।”

बेलायतमा कोभिड नियन्त्रण गर्न सरकारले खोप कार्यक्रमलाई तिव्रता दिएको छ ।

फेसबुकबाट तपाईको प्रतिक्रिया

%d bloggers like this: