सोलुखुम्बु सोलुदुधकुण्ड नगपालिका ७ गार्मामा भएको जिल्ला व्यापी वडा स्तरीय प्रथम वडा अध्यक्ष पुरुष भलिबल रनिङ शिल्ड प्रतियोगिताको उपाधी नेचासल्यानले प्राप्त गरेको छ । वडा नम्बर ७ गार्माको आयोजनामा आइतबार सम्पन्न रनिङ शिल्ड प्रतियोगतामा नेचासल्यान प्रथम भएको हो ।
असोज ३ गतेदेखि सञ्चालन भएको प्रतियोगितामा दोस्रो लिखुपिके, तेस्रो सोताङ र चौथो सोलुुदुधकुण्ड नगरपालिका ७ गार्मा भएको छ । प्रतियोगितामा २५ टिमको सहभागिता रहेको थियो ।
प्रतियोगितामा विष्णु वस्नेत सर्वोकृष्ट र उत्कृष्ट सर्भर घोषित भए त्यस्तै उत्कृष्ट स्पाइकर सोताङ ३ का भोज बिक्रम उत्कृष्ट सेटरमा लिखुपिकेका १५ वर्षे रुपेश वस्नेत उत्कृष्ट ब्लकर हिमाल वस्नेत उत्कृष्ट डिफेन्डर मिलन केसि र नवउदयीमान खेलडी भुपेन्द्र वस्नेत चुनिएका छन
जिल्ला समन्वय समिति प्रमुख कृष्ण निरौलाको प्रमुख अतिथ्यता, विशिष्ट अतिथी नगरप्रमुख नामगेल जाङमु शेर्पा, उपप्रमुख गान्धीमाया तामाङ, र प्रमुख प्रशासकिय अधिकृत कोपिला राईको उपस्थितीमा कार्यक्रमको समापन गरिएको छ ।
प्रतियोगितामा प्रथम, द्धितिय, तृतिय र सान्तवना हुने टिमलाई क्रमशः १ लाख १ हजार १ सय, ७५ हजार १ सय, ५० हजार १ सय र २५ हजार १ सयको साथमा ट्रफि मेडल प्रमाणपत्र प्रदान गरिने छ ।
यस्तै, सर्वोकृष्ट खेलाडीलाई ५ हजार, उत्कृष्ट स्पाईकर, उत्कृष्ट सेटर, उत्कृष्ट ब्लकर, उत्कृष्ट डिफेन्डर, उत्कृष्ट सर्भर, नव उदयमान खेलाडीलाई जनही २ हजारको साथमा ट्रफि प्रमाणपत्र प्रदान गरिने वडाले जनाएको छ ।
फेसबुकबाट तपाईको प्रतिक्रिया