सिराहको लहान नगरपालिका–५ स्थित खुट्टी खोला किनारमा अतिक्रमण गरी बनाईएको घर टहरा हटाउने क्रममा स्थानीयवासी र नगरप्रहरी बीच झडप हुँदा पाँच जना घाइते भएका छन् ।
सो झडपमा परी नगरप्रहरी मनोज यादव,रामभरोसी यादव, रामदयाल महतो, सरसफाईकर्मी बब्लु मेहतर र अनिता मेहतर घाईते भएको नगरपालिकाले जनाएको छ । नगरपालिकाका प्रमुख प्रशासकीय अधिकृत खेमानन्द भुषालले जानकारी दिए अनुसार अतिक्रमण गरी बनाईएको घर टहरा हटाउन लिखित तथा मौखिक रुपमा बारम्बार सूचना जारी गरिएको भए पनि अटेर गरी नहटाएकाले डोजर लगाएर खाली गराईएको हो।
लहान नगरपालिका–९ खुट्टी खोला पूर्व लहान गोठ टोल जाने पिच सडकबाट पश्चिमतर्फ बैलहाट सडकबाट पश्चिम खुट्टी खोलाको जग्गामा व्यवस्थित हाटबजार लगाउने योजना रहेकाले अतिक्रमण गरी बनाईएका घर टहरा हटाईएको प्रमुख प्रशासकीय अधिकृत भुषालले बताए ।
फेसबुकबाट तपाईको प्रतिक्रिया