काठमाडौँ – नेपाल क्रिकेट संघ (क्यान) को आयोजनामा जारी त्रिकोणात्मक टी–२० क्रिकेट सिरिजमा आज नेपाल र नेदरल्याण्डबीच खेल हुँदैछ ।
कीर्तिपुरस्थित त्रिकेट क्रिकेट मैदानमा चलिरहेको प्रतियोगितामा आज नेपाल र नेदरल्याण्डबीच दिउँसो सवा १ बजेबाट सुरु हुनेछ । ।
यस सिरिजको यो चौथो खेल हो भने नेपालका लागि तेस्रो खेल हो । सिरिजको पहिलो खेलमा शनिबार नेपालले नेदरल्याण्डविरुद्ध खेलेको थियो । आइतबार नेदरल्याण्ड र मलेसियाबीच खेल भएकोमा सोमबार नेपाल र मलेसियाले खेलेका थिए ।
नेपालले आफ्ना दुवै खेलमा ९ विकेटको जित हात पारेको छ । नेदरल्याण्डले मलेसियालाई हराउँदा मलेसिया २ खेलबाट जितबिहीन छ ।
आजको खेल हेर्नका लागि दर्शक खेल मैदानमा भित्र जान नपाउने भएका छन् । कोरोना संक्रमणको जोखिम भएको भन्दै सरकारले सोमबार दर्शकबिना मात्रै खेलकुद गतिविधि गर्न निर्देशन दिएको थियो ।
सोमबार दिउँसो नै विज्ञप्ति जारी गर्दै नेपाल क्रिकेट संघ (क्यान) ले मंगलबार देखिका खेलमा दर्शकलाई प्रवेश नदिन भनिसकेको छ ।
नेपाल सहभागी यसअघिका २ खेलमा दर्शकको बाक्लो उपस्थिति थियो ।
फेसबुकबाट तपाईको प्रतिक्रिया