चेन्नई – सनराइजर्स हैदरावादका कप्तान डेविड वार्नरले महेन्द्रसिंह धोनीको रेकर्ड तोडेका छन् । बुधबार राति बैंग्लोरविरुद्ध भएको खेलमा वार्नरले सर्वाधिक रन प्रहार गरी चेन्नईका कप्तान धोनीको रेकर्ड तोडेका हुन् ।
हिजो भएको खेलमा उनले बैग्लोरविरुद्ध ५४ रन बनाउँदै आइपिएलमा रोयल च्यालेन्जर्स बैंग्लोरविरुद्ध सर्वाधिक रन प्रहार गर्ने ब्याट्सम्यानको रेकर्ड बनाएका हुन् । वार्नरले बैंग्लोरविरुद्ध आइपिएलमा ८७७ रन बनाएका छन् ।
धोनीले बैंग्लोरविरुद्ध ८५४ रन बनाएका छन् । तेस्रो स्थानमा रहेका सुरेश रैनाले बैंग्लोरविरुद्ध ७५५ रन प्रहार गरेका छन् भने चैथो स्थानमा रहेका रोहित शर्माको ७१६ र पाँचौ स्थानमा रहेका गैतम गम्भिरको ७१३ रन रहेको छ । आइपिएल इतिहासमा सर्वाधिक अर्धशतक प्रहार गर्ने रेकर्ड पनि वार्नरकै नाममा छ।
फेसबुकबाट तपाईको प्रतिक्रिया