कक्षा ११ को आंशिक तथा ग्रेड वृद्धि परीक्षाको नतिजा सार्वजनिक

काठमाडौं ।  राष्ट्रिय परीक्षा बोर्डले कक्षा ११ को पुराना आंशिक तथा ग्रेड वृद्धि परीक्षाको नतिजा सार्वजनिक गरेको छ। बोर्डले असोज ३१ गते शुक्रबार गोरखापत्रमा सूचना प्रकाशित गर्दै नतिजा सार्वजनिक भएको जानकारी दिएको हो।

बोर्डका अनुसार पुराना आंशिक परीक्षामा सहभागी ९ हजार ९३४ विद्यार्थीमध्ये ५ हजार ९१६ जना उत्तीर्ण भएका छन्। ग्रेड वृद्धि परीक्षामा सहभागी ४ हजार ९७६ जनामध्ये ३ हजार ५४० जना उत्तीर्ण भएका छन्।

जम्मा १३ हजार ९१० विद्यार्थी सहभागी भएका परीक्षामा ९ हजार ४५६ जना उत्तीर्ण भएका छन् भने २ जनाको परीक्षा रद्द गरिएको छ।

नतिजा हेर्ने तरिका:

1. राष्ट्रिय परीक्षा बोर्डको वेबसाइट
   👉 www.neb.gov.np मा गएर नतिजा हेर्न सकिन्छ।
2. नेपाल टेलिकमको वेबसाइट
   👉 www.nepaltelecom.com.np मा पनि नतिजा उपलब्ध छ।
3. एसएमएसबाट हेर्ने
   • मोबाइलको म्यासेजमा गएर NEB [space] Symbol Number टाइप गर्नुहोस्
     उदाहरण: NEB 12345678
   • त्यसपछि 1600 मा पठाउनुहोस्।
4. डायल गरेर हेर्ने
   • मोबाइलबाट 1600 डायल गरी निर्देशनअनुसार नतिजा थाहा पाउन सकिन्छ।
   • वा, *1601# डायल गरेर पनि नतिजा हेर्न सकिन्छ।

थप समाचारहरु

एसईई पूरक परीक्षाको नतिजा सार्वजनिक, ८३ हजार बढी उत्तीर्ण कक्षा १२ को नतिजा सार्वजनिक कक्षा १२ को नतिजा आगामी साता सार्वजनिक गरिने कक्षा ११ को परीक्षाफल प्रकाशित, ७८.६३ प्रतिशत उत्तीर्ण कक्षा १२ को मौका परीक्षा भदौ २५ र २६ गते हुने कक्षा १२ को नतिजा सार्वजनिक गर्ने अन्तिम तयारी